J j / Y y

J j [ʤ] / Y y [ʎ] N, an ikanapuyo sanan ikaunsi na letra. Binayluhay sa pipila ka sulti.

Jabu [dʒá:-bʊ:] H/N, Hingas kon nagjabu nan tubig o bisan uno. Ngayan kon nagngayan sa taghimu na pagjabu.

Jabjab [dʒʌb-dʒʌb] H, An paghingas nan taggaptan na butang kasagari haboy dakan matangtang an mga abog.

Jaon [dʒá:-ʔɔn], Orason, Pamuli o Syagit. Orason kon nagpasabut nan pagpasingud sa isa ka lugar o sa isa ka hisgotanan. Pamuli kon nagpakilaya nan hanay na nagpasabut na may suyod, nabago, o makita an taghanap na tawo o butang. Syagit kon nagpagpadayag nan bugat na tagbati, kalagut, kahimaya, kasigurohan. Pananglit: Jaon!Amoy ako taghanap.

Jaun [dʒà:-ʔən], Dajig, Pamuli, Panumpay, o Orason. Dajig o Pamuli kon nagtudlo o nagkilayasa tawo o butang, o pagkasinabut nan duha ka nagisturyahay sa taghisgutan. Pananglit: Amo jaun an ako pasabut bay. Panumpay kon nagpakilaya nan Ngayan na Sinulti na nagpasabut nan komento sa isa ka panhitabo o tagtuohan na tinuod. Pananglit: Klaro jaun na gusto nija maka kita nan pasundayag. Orason kon nagpakita nan kagrabehon nan isa ka butang o panhitabo. Pananglit: Niabut ako jaun ka suod na maigu an sakjanan sa atubangan.

Jawa [dʒä:-wʌʔ] N, an pinaka kusgan na espirito nan kadaot sa Kristyanismo, Hudismo, sanan Islam na konsino kasagari tagkilaya na nagdumaya sa impyerno.

Yabag [ʎa:-bʌg] D, waya sa tuno kon mu kanta.

Yaka [Ya:-kʌʔ] H/D/N, Hingas kon taghimu an pagbaliko nan tuhod. Dajig kon nagpasabot nan katason nan tinindogan. Ngayan kon nagngayan sa taghimu.

Yaya [Ya:-yʌʔ] N, tawag sa tiya. [Taggikanan: Alegria, SDN]

Yayo [Ya:-yəʔ] N, tawag sa tiyo. [Taggikanan: Alegria, SDN]

Haboy [Ha:-bɔɪ] (~u/j+i), N = Habuji [Ha:bʊ:-ʤɪ:], H. An pagbaylu nan J sa Y dajon pagdugang nan +I dakan mahimu na Hingas an Ngayan.