G g

G g [g] N, an ikapito na letra sa Sinurigao.

Gabas [ga:-bʌs] N, butang na magamit dakan mabahin an kahoy o puthaw.

Gabon [gä:-bʊn] N, an gagmay na tubig na naglutaw sa kahanginan na suod sa lupa.

Gaka [gʌk-Ɂa:] H, an pagbikad nan siki sanan paa na abanti an isa dakan andam sa paggamit nan kusog sa bisan uno na himuon.

Gakos [ga:-kʊs] H/N, An paggakus nan tawo sa tawo o butang. (~ks+a:) Gaksa [gʌk-sa:], An pagsugo o paghangju na gakson an tawo o butang. (~ks+o>un) Gaksun [gʌk-sʊn], An pagpahibayu na gakson an isa ka tawo o butang. (~ks+anan) Gaksanan [gʌk-sa:-nʌn], An lugar kon hai mu gakos. (~ks+onon) Gaksonon [gʌk-sʊ:-nʊn], An tawo na gakson o butang na gakson.

Gamos [ga:-mʊs] N, tagtimplahan nan asin na gagmay na isda.

Gukpa [gʊk-pa:] H, An pagkahigumad o hiligad tungod kay danlog o hamis an natamakan.